Rusiyanın "Rossiya 1" telekanalında yayımlanan sağlamlıq verilişinin yeni buraxılışında mütəxəssislər hansı məhsulların aclığı yatırmağa qadir olduğu və sağlamlığı qorumaq və çəkiyə nəzarət üçün onları pəhrizinizə necə daxil etmək barədə danışıblar.
Qidalanmanı effektiv şəkildə idarə etməyə başlamaq üçün tez-tez həddindən artıq yeməyə səbəb olan şiddətli aclığın baş verməsinin səbəblərini tapmaq lazımdır.
Artan iştahın səbəbləri
Buraxılmış yemək saatı: nizamsız qidalanma aclıq hissi yarada bilər, çünki orqanizm enerji çatışmazlığını kompensasiya etməyə məcbur olur.
Stress: kortizol kimi stress hormonları iştahı stimullaşdıra bilər. Kortizol yemək istəyinə səbəb olur, mənfi emosiyalar xoşbəxtlik hormonları sayılan dopamin və serotonini “yeyir”.
Yuxu rejiminin olmaması: yuxunun düzgün olmaması qida istehlakının artmasına səbəb ola bilər, çünki bədən yorğunluq və stresi kompensasiya etmək üçün yollar axtarır.
Suyun defisiti: su kifayət qədər istehlak edilmədikdə orqanizm qidadan su almağa cəhd göstərir və bu siqnallar orqanizm tərəfindən səhv yönləndirilə bilər.
İştahı azaldan məhsullar
Qəhvəyi düyü: tərkibində lif, mikroelementlər və vitaminlər var, uzun müddət toxluq hissini təmin edən yüngül karbohidratların ideal mənbəyidir. Həm də xoş bir dadı var, bu da onu istənilən yemək üçün əla seçim edir.
Toyuq filesi: özündə əzələ inkişafı üçün vacib komponent olan asan həzm olunan protein ehtiva edir. Dietoloqlar onu aşağı kalorili və faydalı protein mənbəyi kimi tövsiyə edirlər.
Zəncəfil: aclıq hissini azaldan leptin istehsalı prosesinin stimullaşdırılması üçün vacibdir. Lakin ehtiyatla istifadə etmək lazımdır, çünki artıqlığı mədəyə və müəyyən gizli xəstəliklərə mənfi təsir göstərə bilər.
Avokado: orqanizmimiz üçün çox faydalı olan olein turşusu ilə zəngindir. Zəncəfil kimi avokadodan da sui-istifadə etmək lazım deyil - o, yüngül karbohidratlar və zülallarla birgə mükəmməl nəticə verə bilər.
Nanə və darçın: tərkibindəki efir yağları aclıq hissini azaldaraq yeməklərə xoş dad verir.
Nubar Süleymanova, “İki sahil”
