Xoruldama infarkt və ya insulta səbəb ola bilər. Yetkin insanların 30%-i xoruldayır, yuxu apnesi xoruldayan böyüklərin 30%-də baş verir.

Bu barədə rusiyalı somnoloq, tibb elmləri doktoru, professor Roman Buzunov danışıb.

Orta və şiddətli obstruktiv yuxu apnesi sindromu (saatda 15-dən çox və 30-dan çox yuxu fasiləsi) xüsusilə təhlükəlidir. Bu xəstəlik ürəyi, qan damarlarını, sinir sistemini, böyrəkləri zədələyir, infarkt və ya insult təhlükəsi yaradır. Üstəlik, ilk vaxtlar xəstəliyin şiddəti insanın vəziyyətinə təsir göstərmir. İnsanlar tənəffüsdə heç bir fasilə hiss etmir və yalnız xoruldaması ailəsinin yuxusuna mane olduğu üçün həkimə müraciət edirlər.

Xoruldama problemində mütləq somnoloqla məsləhətləşməni, lazım gələrsə, vəziyyətin şiddətini aydınlaşdırmaq üçün polisomnoqrafiya və ya kompüter somnoqrafiyasını tələb edir. Həkim, həmçinin sağlamlığa dəyən zərəri müəyyən etmək üçün qan testi və ürək-damar sisteminin bir sıra müayinələrini təyin edir və KBB mütəxəssisinə baş çəkməyi tövsiyə edir.

Xüsusilə artıq çəkili xəstələrdə apnenin ağır dərəcələri artıq yuxu zamanı insanın nəfəs almasına kömək edən və tənəffüs dayanmasını aradan qaldıran xüsusi tənəffüs aparatının istifadəsini tələb edir.

Nubar Süleymanova, “İki sahil”