Sağlam həyat tərzinin sirri mətbəxinizdə gizlənə bilər. Rusiyalı mütəxəssis, doktor Aqapkin heyrətamiz xüsusiyyətlərə malik ən məşhur və əlçatan ədviyyatlardan biri olan darçın haqqında danışıb. Şirniyyat ətri və “alovlu” dadı ilə darçın təkcə məşhur ədviyyat deyil, həm də müalicəvi xüsusiyyətlər mənbəyinə çevrilmişdir. Çaylara, qəhvəyə, dənli bitkilərə, kompotlara və bir çox başqa yeməklərə əvəzsiz faydalarını fərq etmədən əlavə edilir. Onun nə qədər faydalı olması isə çoxlarına məlum deyil.

Demensiyanın qarşısının alınması

Tədqiqatlar göstərir ki, darçın demensiyanın müxtəlif formalarının, o cümlədən damar demensiyası və Alzheimer xəstəliyinin inkişaf riskini azalda bilər, ona görə də 40-50 yaşdan yuxarı insanlar müntəzəm olaraq darçın içməlidirlər.

Kariyesə qarşı qorunma

Darçının tərkibindəki efir yağları bakteriostatik təsirə malikdir, ağız boşluğunda bakteriyaların inkişafının qarşısını alır, bu da diş minasının qorunmasına kömək edir.

Antiviral təsir

Bəzi laboratoriya tədqiqatları darçının müəyyən virus ştamlarına, o cümlədən qrip infeksiyalarına qarşı effektivliyini dəstəkləyir.

Qan şəkəri səviyyəsinin sabitləşməsi

Kefir və ya digər südlü içkilərə əlavə etməklə sarçın qan şəkərinin səviyyəsini azaltmaq üçün istifadə edilə bilər.

Necə seçməli?

Təzə çubuqlardan üyüdülmüş darçına üstünlük vermək tövsiyə olunur, çünki onlar adətən daha çox ətir və fayda ehtiva edir. Darçın müxtəlif içkilərə, çörəklərə, bişmiş məmulatlara, xörəklərə vurula bilər. Onun dadından zövq almaqla yanaşı, bu heyrətamiz ədviyyatın bütün müalicəvi xüsusiyyətlərindən yararlanmaq olar.

Nubar Süleymanova, “İki sahil”