Daxili xəstəliklər həkimi Dos. Dr. Mehmet Sami İslamoğlu  imsakdan dərhal sonra yatmağın zərələrindən danışıb.

“İki sahil” “CNN-Türk”-ə istinadən xəbər verir ki, həkim-mütəxəssisin sözlərinə görə, imsakdan dərhal sonra yatdıqda reflüksün əsas simptomları baş verir. Yəni sinədə, mədədə  yanma hissi yaranır və turşuluq artır. Bununla yanaşı, köp və şişkinlik də müşahidə olunur.

Dos. Dr. Mehmet Sami İslamoğlu  Ramazan ayı ərzində yuxu sistemindəki dəyişiklik haqqında da məlumat verib. O bildirib ki, kifayət qədər keyfiyyətli yuxu oruc tutan şəxs üçün  böyük əhəmiyyət kəsb edir. Çünki yuxusuzluq ruh düşkünlüyü və  ümumi yorğunluq vəziyyəti yaradır. Yuxusuzluqla bağlı yaranacaq mənfi halların qarşısını almaq üçün günəş işığında gəzinti etmək, imsak və iftar menyusuna nəzarət etmək və yuxu-oyanma tarazlığını qorumaq lazımdır.

Nigar Orucova, “İki sahil”