Sənaye və texnologiya parkları, o cümlədən Azərbaycanın Ələt Azad İqtisadi Zonası və Qazaxıstanın müvafiq iqtisadi zonaları arasında əməkdaşlıq üçün geniş potensial mövcuddur.

“İki sahil” xəbər verir ki, bunu Azərbaycanın xarici işlər naziri Ceyhun Bayramov qazaxıstanlı həmkarı ilə birgə brifinqdə deyib.

Nəqliyyat-kommunikasiya istiqamətinə gəlincə, nazir bildirib ki, Orta Dəhlizin ayrılmaz komponenti olan Trans-Xəzər Beynəlxalq Nəqliyyat Marşrutu çərçivəsində əməkdaşlığın genişləndirilməsi, habelə Rəqəmsal İpək Yolu Layihəsinin əsas hissəsi olan Bakı ilə Aktau arasında inşası planlaşdırılan Xəzər dənizinin dibi ilə fiber-optik kabel magistralı layihəsi Azərbaycan-Qazaxıstan əməkdaşlığının dinamik xarakter almasına xidmət edəcək.