Məşhur sosial şəbəkə TikTok Yaponiyada TikTok Shop onlayn mağazasını açmağı planlaşdırır.

“İki sahil” xəbər verir ki, bu barədə "Kommersant" məlumat yayıb.

Bildirilir ki, bu funksiya istifadəçilərə canlı yayımlara və ya qısa videolara baxarkən birbaşa proqram daxilində məhsullar almağa imkan verəcək.

Platformanın məxfilik siyasətinə edilən son yeniləmə bu ay xidmətin mümkün istifadəyə veriləcəyinə işarə edir. TikTok Shop ödəniş və sifariş sistemini inteqrasiya edərək, istifadəçiləri üçüncü tərəfin vebsaytlarına daxil olmaqdan xilas edir. Şirkət satıcılardan komissiya şəklində gəlir əldə edəcək.

Yapon reklam nəhəngi Hakuhodo, TikTok Shop satıcıları üçün planlaşdırma, əməliyyatlar və performans təhlilini əhatə edən "uçdan-uca" xidmətlər təklif edəcək. Dentsu Group reklam qrupunun bir hissəsi olan Septeni Holdings də platformaya gələn brendlərə marketinq dəstəyi verəcək.