Milli Məclisin növbədənkənar sessiyası çərçivəsində 7 iclas keçirilib.

“İki sahil” xəbər verir ki, bunu Milli Məclisin sədri Sahibə Qafarova iyulun 14-də keçirilən plenar iclasda deyib.

Parlamentin sədri bildirib ki, sessiya ərzində 45 qanun və qərar qəbul edilib, 2 Konstitusiya qanunu təsdiqlənib, iki ictimai dinləmə təşkil olunub. Eyni zamanda, növbədənkənar sessiyada 5 beynəlxalq müqavilə və konvensiya qəbul edilib. Bununla da Milli Məclisin növbədənkənar sessiyası başa çatıb.