Yeni Azərbaycan Partiyası (YAP) Kürdəmir rayon təşkilatında partiyanın veteran üzvlərindən olan Hüseynov Qasım Hüseyn oğlunun 70 illik yubileyi münasibətilə görüş keçirilib.

“İki sahil” xəbər verir ki, YAP Kürdəmir rayon təşkilatının sədri Ayaz Cəbrayılov yubilyarı  təbrik edərək ona möhkəm cansağlığı, uzun ömür, səadət dolu günlər arzulayıb.

Yubilyar Qasım Hüseynov göstərilən diqqət və qayğıya görə təşəkkürünü bildirərək Yeni Azərbaycan Partiyası sıralarında təmsil olunmasının və uzun illər partiyanın təbliğatındakı fəaliyyətinin onun üçün böyük qürur olduğunu söylədi.

YAP Kürdəmir rayon təşkilatı tərəfindən Qasım Hüseynova partiya dəyərlərinin təbliğində və ictimai proseslərdə uzun illər aktiv iştirakına görə Fəxri Fərman və  hədiyyə  təqdim edilib.