Türkiyənin Superliqası təmsilçisi "Kayserispor" heyətini yeni hücumçu ilə gücləndirib.

“İki sahil” klubun mətbuat xidmətinə istinadən xəbər verir ki, Kayseri təmsilçisi Yunanıstanın PAOK klubundan Fyodor Çalovu transfer edib.

Rusiyalı forvard mövsümün sonuna qədər icarə əsasında Türkiyə klubunda çıxış edəcək.

Qeyd edək ki, 2024-cü ildən PAOK-un şərəfini qoruyan Çalov cari mövsümdə keçirdiyi 22 oyunda 3 qol və 1 məhsuldar ötürmə ilə yadda qalıb. Onun Yunanıstan klubu ilə müqaviləsi 2027-ci ilin iyununa qədər qüvvədədir.