Pakistanın vasitəçiliyi ilə ABŞ və İran arasında mesaj mübadiləsi davam edir.

“İki sahil” "The Times of Israel" qəzetinə istinadla xəbər verir ki, bunu İran XİN-in rəsmisi İsmayıl Bəqai bildirib.

"İran nümayəndə heyətinin Tehrana qayıtdığı bazar günündən bəri Pakistan vasitəsilə bir neçə mesaj ötürülüb", - o bəyan edib.

Bəqai qeyd edib ki, bu gün Pakistan nümayəndə heyətinin İran-ABŞ danışıqlar prosesinin irəliləməsi ilə bağlı Tehranla məsləhətləşmələr aparmaq üçün İrana səfəri gözlənilir.