Bazar günü Aydaho ştatındakı "Mountain Home" Hərbi Hava Qüvvələri bazasında iki hərbi təyyarə havada toqquşub.

“İki sahil” xəbər verir ki, bu barədə "The Idaho Statesman" qəzeti məlumat yayıb.

Qeyd olunub ki, bazada keçirilən "Gunfighters Skies" aviaşou zamanı səmada F/A-18F qırıcı-bombardmançı təyyarələrinin modifikasiyası olan iki EA-18G təyyarəsi toqquşub.

Nəşrin məlumatına görə, diktor təyyarə heyətinin katapultasiya edə bildiyini bildirib. Hadisədən sonra aviabaza bağlanıb və hadisə yerinə təcili yardım xidmətləri göndərilib. Qəzanın səbəbi və ya ekipaj üzvlərinin sağlamlıq vəziyyəti ilə bağlı hələlik heç bir məlumat verilməyib.

Bazanın rəsmi nümayəndəsi "Reuters"ə hadisə ilə bağlı araşdırma aparıldığını bildirib.