İtaliya hökuməti Seuta şəhərindən miqrasiya böhranı fonunda İspaniyadan gələn üçüncü ölkə vətəndaşları üçün sərhəd nəzarətini ləğv etmək niyyətində olmadığını bildirib.

“İki sahil” xəbər verir ki, bu barədə İtaliya hökumətinin bəyanatında deyilir.

Rəsmi Roma bildirib ki, milli təhlükəsizlik və sərhəd nəzarəti məsələlərində ultimatumları və xaricdən müdaxiləni qəbul etmir. İspaniyadan gələn üçüncü ölkə vətəndaşları üçün Şengen zonasının qaydalarının dayandırılması ən azı avqustun 15-dək qüvvədə qalacaq.

İtaliya hökuməti izah edib ki, İspaniya hakimiyyətinin açıqlamalarına əsasən, həmin tarixə qədər yeni qanunsuz miqrant dalğasının gələcəyi gözlənilir.

Bununla yanaşı, tətbiq edilən tədbirlər İspaniya vətəndaşlarına şamil olunmur və yalnız üçüncü ölkə vətəndaşlarına aiddir.