Türkiyənin "Trabzonspor" klubu Fabinyonu heyətinə qatmaq istəyir.
“İki sahil” xəbər verir ki, informasiyanı insayder Fabritsio Romano yayıb.
Məlumata görə, Qara dəniz təmsilçisi yarımmüdafiəçi ilə bütün şərtlərdə razılığa gəlib.
2 gün içində tibbi müayinədən keçəcəyi gözlənilir. Onun sabah Türkiyəyə gəlməsi ehtimal olunur.
Brazilyalı ulduz ötən mövsüm "Əl-İttihad"da 44 matça çıxaraq, 3 qol vurub və 4 məhsuldar ötürmə edib.
32 yaşlı yarımmüdafiəçi "Real Madrid", "Monako" və "Liverpul" kimi klubların şərəfini qoruyub.
