İslandiyanın xarici işlər naziri Torgerdur Katrin Qunnarsdouttir ABŞ prezidenti Donald Trampın İslandiya ərazisinin Amerika bayrağının rəngləri ilə boyandığı xəritəni dərc etməsindən sonra Birləşmiş Ştatların səfiri Billi Lonqu Xarici İşlər Nazirliyinə çağırıb.

“İki sahil” xəbər verir ki, bu barədə RUV teleradio şirkəti məlumat yayıb.

Trampın "Truth Social" sosial şəbəkəsində yayımladığı xəritədə ABŞ bayrağının rənglərinə boyanmış Birləşmiş Ştatlar, Mərkəzi Amerikanın bəzi ölkələri, Kanada, Qrenlandiya və İslandiya əks olunub. ABŞ səfiri ilə söhbətdən sonra departamentdən bildirilib: "Görüşdə açıq şəkildə bildirdik ki, bu cür nəşr qətiyyən yolverilməzdir".

Amerika lideri keçmişdə dəfələrlə, xüsusilə Kanada və Danimarkanın muxtar ərazisi olan Qrenlandiyanın ABŞ-nin tərkibinə daxil olmaq imkanları barədə fikirlər səsləndirib. Bundan əlavə, Tramp sosial şəbəkədə ABŞ-nin Nyu-Meksiko ştatının "Yeni Amerika" adlandırıldığı bir neçə xəritə də dərc edib. Sentyabrın 6-da o, adın bu cür dəyişdirilməsini dəstəklədiyini bəyan edib.