Rusiyada “S-400” hava hücumundan müdafiə sistemi üçün böyük hərəkət radiuslu zenit raketinin dövlət sınaqları başa çatdırılıb.
Publika.az TASS agentliyinə istinadən xəbər verir ki, bu haqda hərbi sənaye kompleksindəki mənbə bildirib.
“Kapustin Rar poliqonunda “S-400” sisteminin 40N6E uzaqvuran raketinin dövlət sınaqları başa çatdırılıb”, - mənbə deyib.
Qeyd edilir ki, sınaqlar müvəffəqiyyətli olub.
Mənbənin sözlərinə görə, raket ilin sonuna kimi silahlanmaya qəbul edilə bilər. “Almaz-Antey” konserni raketinin istehsalçısıdır.
