Dağlar diyarı Yardımlı  rayon Heydər Əliyev Mərkəzində təşkil olunan növbəti tədbirin qonaqları   şəhər 2 saylı tam orta məktəbin şagirdləri idi. “Şərəfli ömür yolu” adlı tədbir  isə Ulu  Öndər Heydər Əliyevin  qarşıdan gələn anım gününə həsr olunmuşdu.

Tədbir   ümummilli lider Heydər Əliyevin  əziz xatirəsinə ehtiram əlaməti olaraq büstü önünə gül dəstələri qoyulmaqla  başlandı.   Sonra dəyirmi masa ətrafına toplaşan tədbir iştirakçıları  Ulu Öndərin, eləcə   Vətən torpaqların  azadlığı uğrunda canını qurban vermiş şəhidlərin xatirələrini bir dəqiqəlik sükutla yad etdilər.

Mərkəzin direktoru vəzifəsini icra edən Aqil Ağayev dahi şəxsiyyətin şərəfli ömür yolu haqqında şagirdlərə danışaraq bildirdi ki,   müasir dövlətçilik tariximizi yazan, Azərbaycanı məhv olma təhlükəsindən qurtaran və insanların  yaddaşına əbədi həkk olunmuş əvəzolunmaz, müdrik insanın dövlətimiz qarşısındakı  xidmətləri əvəzsizdir. Ulu öndər ömrün sonuna kimi yalnız  öz xalqının xoşbəxtliyi üçün çalışmışdır.

Mərkəzin əməkdaşı Zeynəb Məmmədzadənin   də xalqının milli maraqlarını hər zaman uca tutan fenomen şəxsiyyət haqqında fikirlərini  şagirdlər maraqla  dinlədilər.

Tədbirdə “Dahi Şəxsiyyət” filmin nümayişindən sonra  məktəblilər həm də  mərkəzdə  Heydər Əliyevin həyat və fəaliyyətini əks etdirən eksponatlarla tanış oldular.

Zəfər Orucoğlu, 

Azərbaycan Jurnalistlər Birliyinin üzvü