Bu günlər Lənkəranda “Narkomaniyaya yox deyək” devizi altında həvəskarlar arasında  üzgüçülük idmanı növü üzrə baş tutan rayon turnirin  təşkilatçıları Lənkəran Şəhər Gənclər və İdman İdarəsi, eləcə Lənkəran Olimpiya İdman Kompleksi idi.  Özü də üzgüçülük yarışı Lənkəranda  ilk dəfə olaraq keçirilirdi.  Turnir sağlam həyat tərzini təbliğ etmək, üzgüçülük idman növünün inkişafı, bu idman növünə həvəs göstərən  şəxsləri aşkar etmək, onun kütləviliyinə şərait yaratmaq, həvəskarların asudə vaxtını səmərəli təşkili  məqsədini daşıyırdı.

Yarışda müxtəlif yaşda olan həvəskarlar   qalib adını qazanmaq üçün gərgin mübarizdə qüvvələrini göstərdilər. 12 nəfərin iştirak etdiyi turnir  baş hakim Sadiq Həmidovun rəhbərliyi  altında başa çatdı.  

Sonda  təşkilatçılar tərəfindən qaliblər diplomlarla təltif olundu və  növbəti aylarda bu yarışı daha da kütləvi formada keçirməyə söz verildi.

Zəfər Orucoğlu,

Azərbaycan Jurnalistlər Birliyinin üzvü