Astara Rayon Dövlət Rəsm Qalereyasında rayon Gənclər və İdman İdarəsi, rayon Dövlət Rəsm Qalereyasının birgə təşkilatçılığı sayəsində keçirilən “Şuşa ili” münasibətilə yeniyetmə və gənclər arasında rəsm üzrə rayon müsabiqəsi baş çatdı. Müsabiqədə əsas məqsəd Azərbaycanın qədim şəhəri Şuşanın vəsfindən , ölkəmizin mədəniyyət və musiqi mərkəzinin işğaldan azad etməsində Vətən övladlarının qəhrəmanlığını tərənnümündən , yeniyetmə və gənc istedadlı rəssamların üzə çıxarılması və asudə vaxtlarının səmərəli təşkilindən ibarət idi.
Müsabiqənin qiymətləndirmə və mükafatlandırma mərasimində rayon Gənclər və idman İdarəsinin rəisi vəzifəsini icra edən R. Şirinov, Dövlət Rəsm Qalereyasının direktoru N. Mustafayeva və elmi işçisi M. Tahirova , Mədəniyyət İşçiləri Həmkarlar İttifaqı Astara rayon komitəsinin sədri H. Ramazanov, rayon Gənclər və İdman İdarəsinin rəis müavini İ. Cəfərov
gəncləri təbrik edib və onlara yeni nailiyyətlər arzulamaqla bərabər onu da bildirdilər ki,
istedadlı gənclərin üzə çıxarılması sahəsində aparılan işlər və həyata keçirilən tədbirlər nəticəsində onların bacarıqları yüksəldilir, rəsm sənətinə maraqları artır, təxəyyül qabiliyyətləri genişlənir, vaxtları səmərəli keçir. Bu il Astara Rayon Dövlət Rəsm Qalereyasının dərnəklərində məşğul olan 4 nəfər gənc- Gülsüm Nəcəfova, Səidə Nəbiyeva, Ülkər Mikayılova, Fidan Məmmədova Azərbaycan Dövlət Rəssamlıq Akademiyasına, Azərbaycan Dövlət Mədəniyyət və İncəsənət Universitetinə daxil olmuşlar.
Müsabiqəyə rayonun ümumtəhsil məktəblərini və Astara Dövlət Rəsm Qalereyasını təmsil edən 41 nəfər istedadlı gənc rəssam qatılmışdı. Münsiflər heyəti tərəfindən onların çəkdiyi əsərlərə qiymət verildi. Səncərədi kənd tam orta məktəbinin X sinif şagirdi Filiz Həbibzadə müsabiqənin birincisi oldu. Gənc rəssam Əmir Əliyev ikinci yeri tutdu, III yerə isə Şüvi kənd tam orta məktəbinin onuncusu Aysun Əliyeva layiq görüldü.
Fərqləndirici yerlərə Astara şəhər 6 saylı tam orta məktəbin şagirdi Xədicə İsayeva, gənc rəssam Fatimə Elçin qızı, Ərçivan qəsəbə 2 saylı tam orta məktəbinin VII sinif şagirdi Əlirza Axundzadə sahib çıxdılar.
Fəxri yerləri qazanan və fərqlənən gənclərə Rayon Gənclər və İdman İdarəsinin diplomları, hədiyyələri verildi .
Zəfər Orucoğlu,
Azərbaycan Jurnalistlər Birliyinin üzvü
