Almaniyanın Azərbaycandakı səfirliyi ilə “İçərişəhər” Muzey Mərkəzi arasında əməkdaşlıq haqqında sənəd imzalanıb.

“İki sahil” xəbər verir ki, bu barədə Almaniyanın Azərbaycandakı səfiri Ralf Horlemann tviterdə yazıb.

Bu sənədə əsasən, Almaniya “İçərişəhər” Muzey Mərkəzinin 1964-1989-cu illər dövrünə aid neqativlər, fotoşəkillər və çap əsərləri kolleksiyasının bərpası, konservasiyası və rəqəmsallaşdırılması layihəsini maliyyələşdirəcək.