2023-cü ilin aprel ayının 1-nə hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 1 milyon 248 min 929 nəfər təşkil edib.

“İki sahil” Dövlət Statistika Komitəsinin hesabatı əsasında apardığı hesablamalara istinadən xəbər verir ki, 2022-ci ilin müvafiq dövrü ilə müqayisədə fərdi sahibkarların sayı 4,5% və ya 53 min 748 nəfər artıb.

Qeyd edək ki, sahibkarlıqla məşğul olmaq niyyətində olan fərdi sahibkarların əsas hissəsi Bakıda (27,2%), Lənkəran-Astara (10,2%), Qazax-Tovuz (7,7%) və Mərkəzi Aran (6,9%) iqtisadi rayonlarında qeydiyyata alınıb.