Sahibkarlar əvvəlki dövrlərə nisbətən indi daha şəffaf işləyirlər.
“İki sahil” xəbər verir ki, bunu iqtisadiyyat nazirinin müavini Sahib Ələkbərov deyib.
O bildirib ki, 2019-cu ilin əvvəli ilə müqayisədə əmək müqavilələrinin sayı 353,9 min artaraq bu il aprel ayının 1-nə 1 milyon 755,8 minə çatıb. Qeyri-neft qaz sektorunda bu göstərici 298 min artaraq 838 min çatıb.
O əlavə edib ki, muzdlu işçi sayının və əmək haqqı fondunun “ağarması” sayəsində təkcə cari ilin yanvar-mart ayları ərzində məcburi dövlət sığorta haqları üzrə daxilolmalar ötən ilin müvafiq dövrü ilə müqayisədə 13,9% və ya 145,3 milyon manat artaraq 1 milyard 192,7 milyon manata çatıb.
