Azərbaycanda bu il kimya sənayesi məhsullarının istehsalı artıb

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 664,8 mln. manatlıq məhsul istehsal edilib.

"İki sahil"in Dövlət Statistika Komitəsinə istinadən verdiyi məlumata görə, əvvəlki ilin müvafiq dövrü ilə müqayisədə rezin və plastik kütlə məmulatlarının istehsalı 12,2%, kimya sənayesi məhsullarının istehsalı 0,9% artıb, əczaçılıq məhsullarının istehsalı isə 4,4% azalıb.

Məlumata görə, hesabat dövründə kimya sənayesi məhsullarından etilen istehsalı 47%, polietilen istehsalı 43,9%, propen (propilen) istehsalı 39,1%, rezin və plastik kütlə məmulatlarından plastmas butulkalar, flakonlar və oxşar məmulatların istehsalı 82,4%, sərt plastmasdan borular, borucuqlar, qolçaqlar və şlanqların istehsalı 41,7%, plastmas çubuqlar, millər və profillərin istehsalı isə 30,9% artıb.

Azərbaycanda əsas kimya məhsullarının istehsalı dinamikası:

Məhsul növləri	2023-cü ilin yanvar-aprel aylarında istehsal edilmişdir	Əvvəlki ilin müvafiq dövrünə nisbətən, faizlə	01.05.2023-cü il vəziyyətinə hazır məhsul ehtiyatı
Təsirsiz qazlar, min kub metr	17068,0	146,5	114,4
ondan:
azot, min kub metr	7912,0	107,7	110,0
Lak-boya məmulatları, ton	8724,5	106,2	158,1
Qeyri-üzvi kimyəvi maddələr, min ton	10950,0	136,2	5410,0
ondan:
yod, ton	65,4	136,0	33,3
Üzvi kimyəvi maddələr, min ton	305,8	94,6	22,9
ondan:
etilen, min ton	63,2	147,0	0,5
propen (propilen), min ton	58,0	139,1	0,9
metanol (metil spirti), min ton	122,1	63,8	12,4
Etil spirti, min dkl	8,0	3,3 d.	35,1
Gübrə və azot birləşmələri, min ton	132.5	69,2	26,3
ondan:
karbamid, min ton	132,5	69,2	26,1
İlkin formada plastik kütlə, min ton	120,7	146,1	40,3
ondan:
polietilen, min ton	62,9	143,9	15,5
Yapışqan və yapışdırıcı maddələr, min ton	29,2	98,0	3,8

Azərbaycanda bu il kimya sənayesi məhsullarının istehsalı artıb

Bölmədən digər xəbərlər