Qırğızıstan və Özbəkistan ticarət potensialını artırmaq üçün Bişkek və Daşkənd şəhərlərində ticarət evləri açmağı planlaşdırır.

"İki sahilin TurkicWorld-ə istinadən məlumatına görə, bu barədə razılaşma Çolpon-Ata şəhərində Qırğızıstan və Özbəkistan arasında ikitərəfli əməkdaşlıq üzrə Birgə Hökumətlərarası Komissiyanın 10-cu iclası zamanı əldə edilib.

Qırğızıstan Respublikasının İqtisadiyyat və Ticarət Nazirliyi bildirib ki, Özbəkistan tərəfi Qırğızıstanın həm ticarət kompleksi, həm də azad ticarət zonası olan Termez Beynəlxalq Ticarət Mərkəzi layihəsində iştirakını asanlaşdırmağa hazırdır.

Qeyd edək ki, yerləşdiyi yerə görə Termez Beynəlxalq Mərkəzi təkcə Özbəkistan Respublikası ilə deyil, həm də Mərkəzi və Cənubi Asiya ölkələri ilə (Türkmənistan, Əfqanıstan, Pakistan, Hindistan, İran) dəniz limanlarına çıxış vasitəsilə xarici ticarətin həcmini və intensivliyini artırmaq imkanı verir.