Azərbaycanda dövlət istiqrazları ilə keçirilən əqdlərin hesablaşmaları üzrə "Qiymətli kağızlar və törəmə maliyyə alətləri üzrə klirinq və hesablaşmaların aparılmasına dair Kollektiv Saziş"ə dəyişikliklər edilib.

“İki sahil” xəbər verir ki, bu barədə Milli Depozit Mərkəzinə istinadən xəbər verir.

Məlumata görə, təkrar bazarda dövlət istiqrazları ilə keçirilən əqdlərin hesablaşmaları T+1 rejimindən T+0 rejiminə keçirilib. Dəyişikliklər sentyabrın 1-dən keçirilən əqdlərin hesablaşmalarına tətbiq olunacaq.

Başqa sözlə, əgər indiyə qədər investorlar hərracda aldıqları dövlət istiqrazlarına görə ödənişi 1 gün sonra edə bilərdilərsə, bundan sonra ödənişi hərrac günü həyata keçirməli olacaqlar.