2024-cü ilin yanvar ayında Naxçıvan Muxtar Respublikasında 519 yeni vergi ödəyicisi qeydiyyata alınıb. Bunların 95%-i fiziki, 5%-i hüquqi şəxslər və digər təşkilatlar olub. Ötən ilin eyni dövrü ilə müqayisədə qeydiyyata alınmış vergi ödəyicilərinin sayı 21% artıb.

Bu barədə “İki sahil” İqtisadiyyat Nazirliyi yanında Dövlət Vergi Xidmətinə istinadən xəbər verir.

Qeyd edilib ki, yanvar ayında kommersiya qurumlarının 44%-i elektron qaydada, 56%-i isə kağız daşıyıcılar vasitəsilə müraciətlər əsasında uçota alınıb.