Cəlilabad rayonunda çiyələyin qiyməti 4 dəfəyə yaxın ucuzlaşıb.

“İki sahil” yerli fermerlərin verdiyi məlumata istinadən xəbər verir ki, məhsulun ilkin yetişmə dövründə kiloqramı 5-7 manat arası olan çiyələk hazırda 1 manat 50 qəpiyə satılır.

Bunun səbəbi məhsulun bol olması və əkin sahələrinin genişlənməsi ilə əlaqələndirilir.

Qeyd edək ki, bu il Cəlilabad rayonunda 560 hektar sahədə çiyələk əkini aparılıb. Bu rəqəm də ötən ilki göstəricidən 55 hektar çoxdur.