Bu il Qazaxıstanın “Kazmortransflot” milli gəmiçilik şirkətinin (“Kazmunayqaz”ın törəmə müəssisəsi) konteyner gəmiləri Aktau-Bakı marşrutu üzrə Xəzər dənizi ilə 100 min tondan çox yük daşıyıb.

“İki sahil” xəbər verir ki, bu barədə “Kazmunayqaz” şirkəti məlumat yayıb.

Aprel ayında rekord sayda konteyner daşımaları qeydə alınıb: 2850 TEU (təxminən 35 min ton yük), orta hesabla 2500 TEU (iyirmi fut ekvivalent vahid).

Şirkətin konteyner gəmiləri bu istiqamətdə ayda orta hesabla 8-9 gediş-gəliş həyata keçirərək Asiya ilə Avropa arasında əlaqəni təmin edir.