Ernst & Young (E&Y) tərəfindən aparılan araşdırmaya görə London maliyyə xidmətlərinə birbaşa xarici investisiyaların cəlb edilməsində Avropa şəhərlərinə liderlik edir.

E&Y tərəfindən 900 qərar verən şəxs arasında keçirilən sorğudan sonra dərc edilən hesabatda Londonun 2023-cü ildə 81 layihənin, əvvəlki ilə nisbətən 76% çox, 11% azalma ilə ikinci yerdə olan Parisdən isə 2 dəfə çox layihə aldığı bildirilib.

E&Y Böyük Britaniyanın maliyyə xidmətləri sektorunda bütün Avropa layihələrinin üçdə birini öz üzərinə götürərək ən yaxın rəqibi Fransa üzərində liderliyini qoruyub saxladığını açıqlayıb. İngiltərə 2022-ci ildə 76 layihə qəbul etdiyi halda, 2023-cü ildə 108 layihə alıb. Bu, Böyük Britaniyanı müvafiq olaraq 39 və 38 layihə cəlb edən Fransa və Almaniya kimi digər Avropa nəhənglərini əhəmiyyətli dərəcədə qabaqlayır.

E&Y Böyük Britaniya Maliyyə Xidmətləri üzrə İdarəetmə Partnyoru Anna Entoni bildirib ki, çətin makroiqtisadi şəraitə və geosiyasi qeyri-müəyyənliklərə baxmayaraq, Böyük Britaniyanın maliyyə xidmətləri sektorunun sabitliyi xarici investorların inamının güclü qalmasını təmin edib.

Orxan Vahidoğlu, "İki sahil"