Türk dövlətləri çərçivəsində parlamentlərarası əlaqələr inkişaf etdirilməlidir.

“İki sahil” xəbər verir ki, bunu Şimali Kipr Türk Respublikası Məclisinin sədri Zorlu Töre Türk Dövlətləri Parlament Assambleyasının (TÜRKPA) 13-cü iclasında deyib.

Onun sözlərinə görə, türk dünyası arasında düşmənçilik salmaq istəyənlərə qarşı birləşməyin vacibliyini vurğulayıb:

“Türk dünyası zəncir kimi bağlanmalıdır. Bizi bir-birimizə qarşı düşmənə çevirmək istəyənlər olacaq, lakin biz onlara qarşı mübarizə aparacağıq. Yolumuza davam etməliyik”.

O vurğulayıb ki, bu gün Qəzzada baş verənlər bütün dünyaya nümunə olmalıdır:

“Türk dövlətləri olaraq bir-birimizə daha çox birləşməliyik. Düşünməliyik və düşüncələrimizi layihəyə çevirərək tətbiq etmə mərhələsinə qoymalıyıq”.

ŞKTM sədri digər türk dövlətləri ilə dostluq qruplarının yaradılmasını səbirsizliklə gözlədiyini deyib:

“Azərbaycan artıq bunu etdi. Digələrini də səbirsizliklə gözləyirik”.