Bu gün Sabunçu Tibb Mərkəzində yeni avadanlıqlarla təchiz edilmiş Radiologiya şöbəsi fəaliyyətə başlayır. Yeni Radiologiya şöbəsində 1,5 Tesla MRT cihazı, 64 kəsikli Kompüter Tomoqrafiya (KT) cihazı və exo kardioqrafiya ( EXQ) və ultrasəs müayinəsi həyata keçiriləcək.

“İki sahil” xəbər verir ki, bunu jurnalistlərə açıqlamasında TƏBİB-in icraçı direktoru Vüqar Qurbanov deyib.

V.Qurbanov bildirib ki, gün ərzində pasiyentlərin ən çox ehtiyac duyduğu xidmətlərdən biri maqnit rezonans və kompüter tomoqrafiyaları müayinələridir. Sabunçu Tibb Mərkəzində gündəlik minimum 50-60 xəstənin kompüter tomoqrafiya müayinəsi, minimum 30-40 xəstənin isə MRT müayinəsinin aparılması nəzərdə tutulur.