Dövlət Sərhəd Xidmətinin Sərhəd Qoşunlarının xidməti vəzifələrini icra edərkən ildırım vurması nəticəsində həlak olan mayoru Baxışlı Baxış Elşən oğlu Tərtərdə dəfn edilib.

“İki sahil” xəbər verir ki, şəhid hərbçinin nəşi Tərtərin İsmayılbəyli kənd qəbiristanlığında torpağa tapşırılıb.

***

Dövlət Sərhəd Xidmətinin (DSX) Sərhəd Qoşunlarının “Lənkəran” sərhəd dəstəsinin xidməti ərazisində ildırım vurması nəticəsində həlak olan mayor Baxışlı Baxış Elşən oğlu ilə Tərtərdə vida mərasimi keçirilir.

“İki sahil” xəbər verir ki, mərasimdə rayonun və DSX-nin rəsmiləri, şəhidin ailə üzvləri, hərbçi yoldaşları, sakinlər iştirak edirlər.

Mərasim başa çatdıqdan sonra şəhid mayor Tərtər rayon İsmayılbəyli kənd qəbiristanlığında dəfn olunacaq.

Qeyd edək ki, iyun ayının 9-da Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin xidməti ərazisində mayor Baxışlı Baxış Elşən oğlu və əsgər Nağıyev Əli Elşən oğlu dövlət sərhədinin mühafizəsi üzrə xidməti vəzifələrini icra edərkən ildırım vurması nəticəsində vəfat ediblər. Faktla bağlı araşdırma aparılır.