Azərbaycanın bütün ərazisində çox mühüm seçkilər keçirilir. Səsvermə prosesi dinc şəraitdə davam edir.

“İki sahil” xəbər verir ki, bu barədə jurnalistlərə Gürcüstanın GUAM Parlamentlərarası Assambleyasındakı nümayəndəsi, Gürcüstan parlamentinin üzvü David Matikaşvili bildirib.

Gürcüstan parlamentinin deputatı əlavə edib: “Biz GUAM Parlamentlərarası Assambleyasını təmsil edirik. Bu, dörd ölkənin - Gürcüstan, Azərbaycan, Moldova və Ukraynanın daxil olduğu təşkilatdır. Mən Gürcüstan parlamentinin üzvüyəm, gürcü tərəfini təmsil edirəm. Baş çəkdiyimiz seçki məntəqələrində heç bir ciddi qanun pozuntusu olmayıb. Qardaş Azərbaycan xalqına bu seçkilərin uğurla başa çatmasını arzulayıram. Seçiləcək parlamentə isə uğurlar diləyirəm”.