Bu ilin I yarısında Azərbaycanın tədiyyə balansının ümumi profisiti 648,1 milyon ABŞ dolları təşkil edib.

“İki sahil” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 8,1 dəfə azdır.

Ümumi profisit ölkənin cari əməliyyatlar balansındakı 2 milyard 625,3 milyon dollarlıq profisit (1 il əvvələ nisbətən 49,1 % az), kapital hesabındakı 0,5 milyon ABŞ dollarlıq profisit (1 il bundan əvvəl kəsir olub), maliyyə hesabındakı 2 milyard 209,4 milyon dollarlıq kəsir (1 il bundan əvvəl profisit olub), balanslaşdırıcı maddələr üzrə 231,7 milyon dollarlıq profisit (1 il bundan əvvəl kəsir olub) hesabına formalaşıb.