Hacıqabulda baş verən təbii hadisələrlə bağlı Aqrar Sığorta Fonduna kifayət qədər məlumat daxil olub.

“İki sahil” xəbər verir ki, bunu Fondun İdarə Heyəti sədrinin müavini Ləman Alıyeva-Məmişova bildirib.

Onun sözlərinə görə, hazırda müstəqil ekspertlər tərəfindən hadisələrin qiymətləndirilməsi həyata keçirilir: “Həmin müraciətlər əsasında ərazilərə ekspertlər göndərilib. Taxılın biçin dövrü başa çatdığı üçün zərər əsasən meyvə bağlarına və pambıq sahələrinə olub. Bununla bağlı da ekspertlər regionlarımızda zərərlərin qiymətləndirilməsini həyata keçirirlər”.

O qeyd edib ki, ekspertlərin hesablamalarından sonra zərərin əhatə dairəsini müəyyən ediləcək.