Biz səyahət boyu ekoloji problemləri müşahidə edə bilirik. Kifayət qədər təcrübəyə malikik, bəzilərimiz 2 ay, bəzilərimiz 5 aydır velosiped sürürük. Avtomobillərdən və yük maşınlarından çıxan tüstüləri görürük.

“İki sahil” xəbər verir ki, bu sözləri AZƏRTAC-a açıqlamasında COP29 çərçivəsində Azərbaycana səyahət edən velosipedçi Guillaume Claude Jean Louis Otrage söyləyib.

Onun sözlərinə görə, səfər etdikləri bölgələrdə, məsələn, Balkanlarda, meşə yanğınları yayılmışdır, buna görə də ucqar ərazilərdə səyahət etmək olduqca təhlükəli idi. Avstriyadakı ekstremal havanı xüsusi qeyd edən səyyah, sonra Türkiyəyə gələndə quraqlığın şahidi olduğunu bildirib: "İnsanların burada uzun müddətdir ki, kifayət qədər yağış görmədiklərinin şahidi olduq".