Qubada sel fəsadlarından biri də  Xanəgah kəndini ikiyə bölən Çağacıq çayına gələn selin  kəndi mərkəzindəki körpünün ətrafını yuması olub. 

Bu barədə , "İki sahil"in Şimal təmsilçisinin məlumatında bildirilir. 

Nəticədə, kəndin digər hissəsinə avtomobillərin gediş-gəlişinin hərəkəti məhdudlaşıb. Alternativ  yol ötürücüsünü də sel suları dağıdıb. Sakinlərin hərəkəti selin hələ yuyub aparmadığı dar "cığır"la mümkündür. 

Qeyd edək ki, sonuncu dəfə sel suları 2020-ci ildə sözügedən ərazidə körpünü aparmışdı. Elə həmin il də kənddə bu yeni  körpü və alternativ yol ötürücü istifadəyə verilib.

Aydın Adıgözəlov,
Quba, "İki sahil" üçün