"Panasonic Holdings" Yaponiya da daxil olmaqla 10 min nəfəri işdən çıxaracağını bildirib.

Elektronika istehsalçısı "Panasonic"in verdiyi açıqlamada şirkətin işçi sayısında ixtisar olunacağı qeyd olunub.

Bəyanatda, şirkətin ölkə daxilində 5 min, xaricdə isə 5 min olmaqla ümumilikdə 10 min nəfərin işinə son verəcəyi bildirilib. Açıqlamada, “Şirkət əməliyyat səmərəliliyini artırmaq üçün satış və dolayı şöbələrə fokuslanaraq genişmiqyaslı təhlil aparacaq və işçi sayısını yenidən təşkil edəcək,” – deyə vurğulanıb.

Bəyanatda həmçinin bildirilib ki, yeni qərar çərçivəsində mənfəət gətirməyən və zərər edən fəaliyyətlər dayandırılacaq. İşdən çıxarılma prosesi əsasən 2025-ci maliyyə ilində həyata keçiriləcək və 2026-cı ilin martında başa çatacaq.

Orxan Vahidoğlu, "İki sahil"