Təkcə son üç il ərzində tibb işçiləri qida allergiyası ilə bağlı ağır reaksiyalardan xəstəxanaya yerləşdirilən uşaqların sayının 72% artdığını müşahidə ediblər. Dünya üzrə xəstəliklərə Nəzarət və Qarşısının Alınması mərkəzlərinin məlumatları göstərir ki, uşaqların təxminən 8%-I, böyüklərin isə təxminən 6,2%-i müəyyən növ qidalara mənfi reaksiya verir. Bəzi elm adamları bizim bir allergiya epidemiyası içində olduğumuza inanırlar. Bu, doğrudurmu?
Qida allergiyalarının nə olduğunu, niyə artdığını və allergiyanın qarşısının alınmasının gələcəyini daha dərindən öyrənmək istəyirsinizsə, aşağıdakı məqaləni oxuyun:
Qida allergiyası artmaqdadır
Qida allergiyası bütün dünyada artmaqdadır. Çinli uşaqların təxminən 7,7%-i təsirlənir, həmçinin Hindistanda əvvəllər eşidilməyən fıstıq allergiyası halları çoxalıb.
Dözümsüzlük ilə qarışdırılmamalıdır
Bir çox qida həssaslığı qida allergiyasına bənzər şəkildə özünü göstərir. Məsələn, laktoza qarşı dözümsüzlük allergik reaksiya kimi mədə ağrılarına səbəb ola bilər, lakin bu, əslində süd allergiyası deyil, həzm sistemi problemidir.
İmmunitet sisteminin reaksiyası
İnsanın allergik reaksiyası olduqda, bədəni səhvən fıstıq zülalı kimi zərərsiz bir xarici proteini təhlükəli görür.
Qida allergiyasının növləri hansılardır?
İnsanların ən çox allergiyası olan qidalara dəniz məhsulları, soya, süd, fıstıq və buğda daxildir.
Qida allergiyasının əlamətləri hansılardır?
Yediyiniz bir şeyə qarşı allergik reaksiyanız varsa, dəri səpmələri, dodaqların və ya göz qapaqlarının şişməsi, boğazın qaşınması, dilin şişməsi və qarın ağrısı ilə qarşılaşa bilərsiniz.
Qida allergiyasının həyatı üçün təhlükə yaradan əlamətləri varmı?
Anafilaksiya qidaya qarşı ən ağır allergik reaksiyadır. Bu, bədəninizi şoka salan və nəfəs almağı çətinləşdirən və ya qeyri-mümkün edən sürətlə irəliləyən bir reaksiyadır. Anafilaksi tibbi müalicə olmadan həyat üçün təhlükə yarada bilər.
Qida allergiyasının qarşısını necə almaq olar?
Allergiyanız olan qidalardan qaçmaq üçün məhsulların üzərindəki tərkib etiketlərini yoxlamaq vacibdir. Qida istehsalçılarından bir məhsulda ən çox yayılmış allergenlərdən hər hansı birinin olub olmadığını açıq şəkildə bildirmələri tələb olunur.
Qida allergiyası niyə artır?
Bəzi ekspertlərin fikrincə, artan təmizlik uşaqlıq dövründə mikroblara məruz qalmağı azaldıb ki, bu da immunitet sisteminin inkişafına mane ola bilər və onun qida zülallarına reaksiya vermə ehtimalını artırır.
Şəhər yerlərində yaşamaq
Bəzi araşdırmalar şəhər yerlərində yaşayan insanların kənd yerlərində yaşayanlara nisbətən daha çox qida allergiyası olduğunu göstərir.
Müəyyən qidalara yüksək məruz qalma
Bəzi araşdırmalar müəyyən edib ki, Asiyada dəniz məhsulları kimi müəyyən qidalardan yüksək istifadə bəzən bu qidaya qarşı allergiyanın inkişaf ehtimalı ilə əlaqələndirilir.
D vitamini çatışmazlığı
Bəzi ekspertlər deyirlər ki, oturaq həyat tərzinin bu qədər yayılması bizi günəş işığından məhrum edir ki, bu da öz növbəsində allergiyaya qarşı müəyyən qədər qorunma təmin edən D vitaminindən məhrum edir.
Nubar Süleymanova, “İki sahil”
