Azərbaycanda "e-ahik" elektron informasiya sistemi istifadəyə verilib.

“İki sahil” xəbər verir ki, bununla bağlı Azərbaycan Həmkarlar İttifaqları Konfederasiyasının (AHİK) bugünkü tədbirində konfederasiyanın Aparat rəhbərinin müavini Abbas Əliyev məlumat verib.

O qeyd edib ki, AHİK üzvləri artıq evdən çıxmadan, canlı təmasa ehtiyac olmadan sanatoriya və istirahət mərkəzlərinə yollayış əldə edə biləcəklər:

"Müraciətlər tamamilə elektron şəkildə, tək şəxsiyyət vəsiqəsilə həyata keçiriləcək. Daha sonra təsdiq alan şəxslər təqdim edilən sənədlə müvafiq sanatoriya və istirahət mərkəzinə yaxınlaşa biləcəklər. Bu tamamilə yeni layihədir və AHİK üzvlərinin işini asanlaşdıracaq".