Türkiyənin “Kasımpaşa” komandasının yeni baş məşqçisi məlum olub.
“İki sahil” klubun rəsmi saytına istinadla xəbər verir ki, bu vəzifəyə gürcüstanlı tanınmış mütəxəssis Şota Arveladze gətirilib. Onunla bağlanan müqavilənin detalları açıqlanmayıb.
52 yaşlı çalışdırıcı daha əvvəl 2012-2015-ci illərdə İstanbul təmsilçisinə rəhbərlik edib.
Qeyd edək ki, “Kasımpaşa”da son olaraq baş məşqçi postunda Burak Yılmaz olub.
