Qərbi Azərbaycanda 740 müsəlman qəbiristanlığının koordinatları müəyyən edilib.

“İki sahil” xəbər verir ki, bunu Qərbi Azərbaycan İcmasının (QAİ) rəhbəri Əziz Ələkbərli Qafqaz Müsəlmanları İdarəsində (QMİ) keçirilən birgə tədbirdə deyib.

Onun sözlərinə görə, müsəlman qəbiristanlıqlarının əksəriyyəti yer üzündən silinməkdədir:

"Bəzilərinin üzərində erməni qəbiristanlığı salınıb. Bu, dəhşətli faktlardır və dünya ictimaiyyətinə çatdırılmalıdır. Bununla bağlı QMİ ilə müştərək tədbirlər keçirilməlidir".