Brent markalı neftin avqust fyuçersi əvvəlki günün bağlanış qiyməti ilə müqayisədə %3,38 ucuzlaşaraq bir barel üçün $76,86 təşkil edib.
“İki sahil” xəbər verir ki, sonuncu dəfə Brent neftinin qiyməti 2 mart 2026-cı ildə $77-dan aşağı düşmüşdü.
Həmin dəqiqələrdə iyul ayı tədarüklü WTI markalı neftin fyuçersi isə %3,7 ucuzlaşaraq bir barel üçün $73,2 səviyyəsində qərarlaşıb. Kotirovkaların bu cür ucuzlaşması Yaxın Şərqdəki vəziyyətlə bağlı son yeniliklərə reaksiya olaraq baş verir.
Xatırladaq ki, İran Prezidenti Məsud Pezeşkian Vaşinqton və Tehran arasında sülh danışıqlarının əsasını qoyacaq qarşılıqlı anlaşma memorandumunun mətnini dərc edib.
Sənəd 14 bənddən ibarətdir və bura atəşkəs, nüvə proqramı, neft ixracı, dondurulmuş aktivlər üzrə razılaşmalar, habelə yekun sazişin şərtləri daxildir. İmzalama mərasiminin iyunun 19-da İsveçrədə keçirilməsi planlaşdırılsa da, İran Xarici İşlər Nazirliyi tərəflərin dərhal birbaşa dialoqa başlayacağını iddia edir.
