NATO özünün şərq sərhədlərində - Rumıniyadan tutmuş Finlandiyaya qədər olan geniş məkanda — kompleks rəqəmsal müşahidə sistemi qurmağı planlaşdırır.

“İki sahil” xəbər verir ki, bu barədə Almaniyanın nüfuzlu "Bild" qəzeti məlumat yayıb.

Nəşrin dərc etdiyi məqalədə qeyd olunur ki, layihənin əsas məqsədi Rusiya qoşunlarının hərəkətini real vaxt rejimində addım-addım izləməkdir.

Əldə olunmuş məlumatlara görə, "Eastern Flank Deterrence Initiative" (Şərq Cinahının Çəkindirmə Təşəbbüsü) kod adlı bu sistem çərçivəsində ən müasir texnoloji imkanlardan istifadə ediləcək:

Kosmik peyklər və kəşfiyyat tipli pilotsuz uçuş aparatları (PUA);

Yerüstü xüsusi sensor tənzimləyiciləri və hərbi robotlar.

Toplanan bütün məxfi məlumatlar süni intellekt (AI) texnologiyası vasitəsilə dərhal analiz olunacaq və əldə edilən rəsmi kəşfiyyat datalarına bütün NATO üzvü olan ölkələrin birbaşa çıxış imkanı yaradılacaq. Daxili rəsmi sənədlərdə bu qorxunc layihə "Kill Web" adlandırılır.

Hər hansı bir hərbi təhdid və ya qəfil hücum riski aşkarlandığı anda, Alyans komandanlığı bu sistem sayəsində dərhal operativ qərar qəbul etmək imkanı qazanacaq. Sistem hansı üzv ölkənin və hansı spesifik silah növünün cavab reaksiyası olaraq döyüşə cəlb edilməli olduğunu saniyələr ərzində müəyyənləşdirəcək.