Rusiya Federasiyasının hökuməti yanacaq-sürtkü materialları bazarında qiymətlərin sabitləşdirilməsinə yönəlmiş xüsusi tədbirlər paketini təsdiqləyib.

“İki sahil” xəbər verir ki, bu barədə "TASS" agentliyinə ölkənin Nazirlər Kabinetindəki etibarlı mənbə məlumat verib.

Hökumətdəki mənbə agentliyin sorğusuna cavab olaraq qısa şəkildə bildirib: "Təklif olunan qanunvericilik sənədi kabinet tərəfindən tam bəyənilib".

İyulun 16-da keçirilən Nazirlər Kabinetinin iclasında yanacaq-sürtkü materialları bazarında qiymət artımının tənzimlənməsi və daxili tələbatın tam ödənilməsi məqsədilə hazırlanan xüsusi qanun layihəsinə düzəlişlər müzakirə olunub. Rusiya Baş nazirinin müavini Aleksandr Novakın bundan əvvəl verdiyi bəyanatlara əsasən, qəbul edilən tənzimləmə tədbirləri çərçivəsində hökumətin qarşısında duran əsas hədəflər aşağıdakılardır: Ticarət şəbəkələrinin təminatı, dizel yanacağı bolluğu, birja satışlarının artırılması.

Bu addımların yaxın gələcəkdə Rusiya yanacaqdoldurma məntəqələrində pərakəndə satış qiymətlərinin inflyasiya həddində saxlanılmasına kömək edəcəyi gözlənilir.