Albaniyalı hücumçu Mirlind Daku Moskva «Spartak»ı ilə müqavilə imzalayıb.

“İki sahil” xəbər verir ki, bu barədə futbol klubunun mətbuat xidməti məlumat yayıb.

28 yaşlı forvardla 3 illik müqavilə bağlanıb. O, «Spartak»ın heyətində 19 nömrəli formada çıxış edəcək. Media vasitələrinin verdiyi məlumata görə, transfer məbləği 11 milyon avro təşkil edib.

Mirlind Daku 2023-cü ilin yayından etibarən Kazan «Rubin»inin şərəfini qoruyurdu. Rusiya Premyer Liqasında keçirdiyi 80 oyunda o, 37 qola imza atıb. 2024/25 mövsümündə 15 qolla Rusiya çempionatının ən yaxşı bombardirləri siyahısında ikinci yeri tutub.

Albaniya milli yığmasının heyətində 17 matça çıxan Daku 1 qolla yadda qalıb. O, həmçinin milli komanda ilə birgə 2024-cü il Avropa Çempionatının iştirakçısı olub.