Nigerin paytaxtı Niameydə baş verən üsyanda yüzlərlə əsgər iştirak edib.

“İki sahil” xəbər verir ki, bu barədə “Reuters” ölkənin dövlət mediasına istinadən məlumat yayıb.

İddia edir ki, etirazda yüzlərlə narazı əsgər iştirak edib. Prezident Əbdürrəhman Çianiyə sadiq qüvvələr ələ keçirilən obyektlərə nəzarəti bərpa edərkən toqquşmalar bir neçə saat davam edib.

“Associated Press” daha əvvəl üsyanın yatırılması zamanı onlarla əsgərin saxlanıldığını bildirmişdi.

Rusiyanın Nigerdəki səfiri Viktor Voropayev TASS-a bildirib ki, Niger hərbi qulluqçuları üsyanı yatırmaq üçün Niamey hava limanı kompleksindəki 101 saylı Hərbi Hava Qüvvələri Bazasında yerləşən Afrika Korpusundan kömək istəyiblər.

Xatırladaq ki, üsyan 28-29 avqust gecəsi başlayıb. Niger Milli Müdafiə Naziri Salifou Modinin sözlərinə görə, bir qrup əsgər 101 saylı Hərbi Hava Qüvvələri Bazasında yoldaşlarını saxlamağa çalışıb və paytaxtdakı bir neçə strateji əhəmiyyətli əraziyə atəş açıb. Daha sonra hakimiyyət orqanları şəhər üzərində nəzarəti bərpa etdiklərini açıqlayıblar. Nigerien “Press” Agentliyi Niameydəki vəziyyətin normallaşdığını bildirib.

Məhərrəm Ağalaroğlu, “İki sahil”