BMT-nin baş katibi postuna iddia edən, Uqandanın təşkilat yanında keçmiş daimi nümayəndəsi Olara Otunnu bəyan edib ki, Qəzzada böhran fonunda daimi sülhə nail olmaq üçün Oslo sazişlərinin prinsipləri və İbrahim sazişlərinin çərçivə müddəaları mümkün əsas qismində nəzərdən keçirilməlidir.

“İki sahil” xəbər verir ki, bu barədə TASS məlumat yayıb.

"Humanitar müdaxilə tez bir zamanda səfərbər edilməlidir. Əsas maraqlı tərəflərlə sıx əməkdaşlıq etmək lazımdır. Bütün bölgədə daimi sülhün bərqərar edilməsinə kömək etmək üçün Oslo sazişlərinin prinsiplərinin İbrahim sazişlərinin çərçivə müddəaları ilə potensial olaraq necə birləşdirilə biləcəyini araşdırmaq tələb olunur", – deyə Otunnu bildirib.

O, irimiqyaslı münaqişələrin tənzimlənməsini ilk növbədə diqqət yetirmək niyyətində olduğu məsələlərdən biri adlandırıb. Otunnu vurğulayıb ki, beynəlxalq sülh, təhlükəsizlik və beynəlxalq əməkdaşlıq Birləşmiş Millətlər Təşkilatının əsas mandatını təşkil edir.