Azərbaycanın Macarıstana yeni təyin olunmuş səfiri Esmira Cəfərova oktyabrın 12-də Şandor Sarayında keçirilmiş mərasimdə etimadnaməsini Macarıstan Prezidenti Andraş Balint Bakaya təqdim edib.

“İki sahil” xəbər verir ki, mərasim çərçivəsində baş tutmuş söhbət zamanı Andraş Baka tərəfindən ölkələrimiz arasında münasibətlərin əhəmiyyəti vurğulanıb, həmçinin mədəniyyət və enerji sahələrində tərəfdaşlığın perspektivləri xüsusilə qeyd olunub.

Eyni zamanda, səfir Şandor Sarayında xatirə kitabına ürək sözlərini qeyd edib.

Mərasim Budapeşt şəhərində Qəhrəmanlar Meydanındakı memorial kompleksin önünə əklilin qoyulması ilə yekunlaşıb.