“Lufthansa”nın törəmə şirkəti olan “Eurowings” aviaşirkəti bahalaşan aviasiya yanacağının yaratdığı əlavə xərclər səbəbindən qış uçuş proqramını təxminən 5 faiz azaltmağı planlaşdırır.

“İki sahil” xəbər verir ki, yerli mediada yer alan xəbərlərdə şirkətin qış mövsümündə əməkdaşlarının müvəqqəti olaraq qısaldılmış iş rejiminə keçirilməsi imkanını da nəzərdən keçirdiyini və bununla bağlı Federal Məşğulluq Agentliyi ilə danışıqlar apardığı qeyd olunub. İlkin tədbirlər çərçivəsində Köln-Bonn və Ştutqart-Dubay uçuşları dayandırılır. Digər ixtisarların isə əsasən ayrı-ayrı reyslərə aid olacağı bildirilir. Şirkətin hesablamalarına əsasən, yanacağın bahalaşması cari ildə planlaşdırılandan təxminən 250 milyon avro əlavə xərc yaradacaq.

Bundan başqa, “Eurowings” daxili tədbirlərdən imtina edir və 2028-ci ilin sonunadək inzibati sahədə təxminən 100 iş yerini ixtisar etməyi planlaşdırır. Mümkün qısaldılmış iş rejiminin miqyası barədə hələlik məlumat verilməyib. Həmkarlar ittifaqları isə əməkdaşların sosial təminatının qorunmasını tələb edirlər.