Fransa daxili işlər naziri Loran Nunyes bildirib ki, oktyabrın 24-nə planlaşdırılan etiraz aksiyaları zamanı bir sıra mühüm obyektlərin mühafizəsinə ordu cəlb olunacaq. Mühüm obyektlər sırasına meriya binaları, səfirliklər və digər dövlət müəssisələri daxildir. Nazirin sözlərinə görə, hərbçilər ümumilikdə ictimai asayişin qorunması ilə məşğul olmayacaqlar, lakin onların bu cəlb olunması birbaşa etiraz aksiyalarının keçirildiyi ərazilərdə fəaliyyət göstərmək üçün əlavə polis qüvvələrini azad etməyə imkan verəcək.

“İki sahil” xəbər verir ki, bu barədə "Reuters" agentliyi məlumat yayıb.

Fransanın Baş naziri Sebastyen Lekornu da yeni etiraz dalğası öncəsi təhlükəsizlik tədbirlərinin gücləndiriləcəyinə söz verib. Hakimiyyət orqanları Paris, Lion, Nitssa və digər iri şəhərlərin mərkəzi küçələrində tətbiq edilən komendant saatının müddətini oktyabrın 26-dək uzadıblar.